Аксенов скверында хәйрия чарасы узды

17 августта Аксенов скверында “Кызгылт-сары яфрак” (Оранжевый лепесток) хәйрия чарасы булып узды. Акция Рената Бәдретдиновага ярдәм итү нияте белән үткәрелде. 
Аксенов скверында рәсем ясау, музыка, өстәл уеннары, декупаж буенча мастер класслар үткәрелде. Аерым мәйданчыкта кул эшләмәләре ярминкәсе дә булды. Һәр килгән кеше отышсыз лотерияда катнашып, бүләкләр отты. Моннан кала, оештыручылар кием кабул итү пунктын да булдырганнар иде.
Рената Бәдретдиновага ДЦП диагнозы куелган. Ул әнисе тарафыннан гына тәрбияләнә. Шуңа да, оештыручылар  кызга ярдәм йөзеннән, әлеге акцияне ошетырырга булган. Чарага  «Mrs. Planet-2016» җиңүчесе Рада Кузьмина да килгән иде.