Акыллы портфель

Һәр кешенең бер генә тапкыр булса да мәктәпкә берәр уку әсбабын онытып барганы бардыр. Ә менә Хабаровск укучылары бу мәсьәләне хәл итү юлын тапкан. Унынчы сыйныф укучылары Игорь Пилипчук һәм Егор Соловьев портфельләренә махсус датчиклар урнаштырган. Алар бер генә китап-дәфтәрне дә оныттырмаячак. Чөнки әлеге датчикларда уку расписаниесе турында мәгълүмат саклана. Ә дәреслек һәм дәфтәрләргә егетләр QR-кодлар ябыштырып чыккан. Портфель җыйганда нәрсәнедер онытып калдырасың икән, датчик тавышлы сигнал бирә, барлык әсбаплар да урынында булса, дәшми.

Яңа уку елына мондый портфель турында күпләр хыялланадыр, шулай бит?!