Балаларга компьютерлар өләшәләр

Хәзер һәр бала өйдән укый алачак. Татарстанда аз керемле һәм күп балалы гаиләләргә компьютер, ноутбук һәм планшетлар бүләк иттеләр. Бу эшне “Татнефть” оешмасы башлап җибәрде. Оешманың Хәйрия фонды 100дән артык данә техника җыйды. Бу фикерне башка компанияләр һәм шәхси затлар да эләктереп алды. Җирле мәгариф идарәләре, мохтаҗ гаиләләрне барлап, белем алу өчен бүген беренче чиратта кирәкле техниканы укучыларга тарата да башлады.