Балаларга коронавирус турында сөйләргәме?

Мәктәп яшендәге баланың һәркайсы сезгә коронавирус турында үзе дә сөйләп бирә ала. Бәлки, сездән күбрәктер дә әле. Алар бу теманы дуслары белән оештырылган чатларда да, социаль челтәрләрдә дә читләтеп узмый. Әти-әниләрнең никадәр карабодай, антисептик, маскалар алып куюы хакында кызыклы видеолар да төшерделәр инде рәхәтләнеп. Саклану чаралары турында да хәбәрдар.

Ә бит тема, чыннан да, җитди. Көн саен яңалыкларны караучы, өйдә калып эшләргә (яисә бөтенләй эшләмәскә) мәҗбүр булган әти-әниләр теләсә-теләмәсә дә үзләренең борчуларын балаларга күчерергә мөмкин.

Нишләргә?

Балалар белән сөйләшегез, аларның уй-кичерешләрен белегез, коронавируска бәйле вәзгыять ябык тема булмасын. Бүгенге хәлне арттырып та, киметеп тә сөйләмәгез. Ничек бар, шулай әйтү яхшы булыр. Балалар үзләре кызыксынса, әлбәттә.

Сөйләшүгә һәрвакыт әзер булуыгызны җиткерергә тырышыгыз. Аңлату баланың яшенә туры килә торган телдә булсын. Бүген дөньядагы вәзгыять турында мәгълүмат җитәрлек, шулай да, хәбәрләрнең дөреслеген тикшерсәгез яхшы булыр.

Саклану чаралары турында да әйтергә кирәк. Урамга чыгуда чикләүләр барлыгын, хәзерге вакытта бөтен кешенең дә билгеле бер кагыйдәләр буенча яшәвен аңлатыгыз. Өйдә калган очракта да вакытны кызыклы һәм файдалы итеп үткәрү юлларын күрсәтегез. 

Үзегезне саклагыз, кәефегез яхшы булса, балаларның да күңелләре күтәренке булыр.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Җиһан йолдызы Һәркемнең тормышы әниле булсын! Алар – җиһан йолдызы.
    399
    0
    0
  • Казан шәһәренең 14 нче гимназия укучылары иҗаты Казан шәһәренең 14 нче гимназия укучылары иҗаты
    538
    0
    3
  • Әниләр – якты кешеләр 28 ноябрь – Россиядә әниләр көне. Әниләр көне уңаеннан  редакциябезгә укучылардан бик күп хатлар, рәсемнәр килә. Казан шәһәренең 11 гимназия укучылары  әниләренә сораулар биреп, журналист һөнәрен үзләштергәннәр, хикәяләр дә язганнар. Кайберләрен сезгә дә тәкъдим итәбез.
    690
    0
    0