Балаларның көтеп алган бәйрәме!

Балаларны яклау көне уңаеннан Казан шәһәренең 7 нче балалар хастаханәсе каршында үткән бәйрәмгә 200дән артык бала җыелды. Инде күп еллар дәвамында оештырыла торган бу чара быел тагын да киңәйде. Биредә хастаханә җитәкчелегенең өлеше зур.
Сабыйларга бер сәгатьлек күңел ачу программасын Казан театр училещесының 1 эстрада курсы студентлары оештырган иде. Рөстәм Фаткуллинда укучы сәләтле яшьләр халык әкиятләрен сөйләде, төрле милләт биюләрен башкарды, балалар белән уеннар уйнадылар.

 
«Хастаханәгә сабыйлар авыргач кына килә, кайберәүләр еш мөрәҗәгать итәргә мәҗбүр. Араларында табиблардан да куркучылар бар. Мондый бәйрәмдә исә балалар үзләрен иркен хис итә, хастаханәгә башкача карый башлый», – дип сөйли хастаханәнең өлкән шәфкать туташы Әлфия Әхмәтҗанова.
Рәхәтләнеп җырлап, биеп күңел ачканнан соң сабыйлар асфальт мәйданчыкта акбур белән рәсемнәр ясап калдырды. Һәркайсына иганәчеләр тарафыннан тәкъдим ителгән бүләкләр тапшырылды.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Казан шәһәренең 14 нче гимназия укучылары иҗаты Казан шәһәренең 14 нче гимназия укучылары иҗаты
    239
    0
    3
  • Әниләр – якты кешеләр 28 ноябрь – Россиядә әниләр көне. Әниләр көне уңаеннан  редакциябезгә укучылардан бик күп хатлар, рәсемнәр килә. Казан шәһәренең 11 гимназия укучылары  әниләренә сораулар биреп, журналист һөнәрен үзләштергәннәр, хикәяләр дә язганнар. Кайберләрен сезгә дә тәкъдим итәбез.
    257
    0
    0