Безнекеләр - беренче!

Казанның 18нче мәктәп укучылары быел Владивостокта узган юл хәрәкәте яшь инспекторларының “Имин тәгәрмәч - 2016” конкурсыннан җиңү белән кайтты. I урын!
Русия төбәкләреннән килгән 400 мәктәп укучысы, 77 команда арасында җиңүче булу җиңел түгел. Казанның 18нче мәктәп укучылары – Халисә Абашева, Екатерина Сергеева, Шамил Миңнеханов, Егор Сафин җиңүне беркемгә дә бирмәгән. Татарстан данын яклаучылар шәхси абсолют зачетта да беренче булган.
Аэропортта яшь инспекторларны каршыларга, җиңүләрен уртаклашырга Татарстан Дәүләт Советы рәисе Фәрит Мөхәммәтшин, Татарстан буенча Эчке эшләр миннистрлыгының ЮХИДИ идарәсе башлыгы Рифкать Миңнеханов килде.
- Конкурста барысы да җиңел генә булмады. Беренче көнне, икенче көннең беренче яртысында без өченче урында бардык. Бары аннан соң гына вәзгыять яхшы якка үзгәреп, без иң яхшысы булдык. Беренче ярдәм күрсәтү станциясендә штраф балларын алдык. Ләкин быел бар хөкемдарлар да бик кырыс иде. Күп кенә төбәкләр бездән начаррак чыгыш ясады. Шуңа хәтта бу этапта, штраф балларына карамастан, без беренче булдык, - ди балаларны озата барган Татарстан буенча Эчке эшләр министрлыгы ЮХИДИ идарәсенең юл хәрәкәте иминлеге пропаганда бүлеге инспекторы Любовь Волкова.
Хәзер аларга көзен Европада бөтен ил данын якларга туры киләчәк. Конкурста беренче урынга лаек булган Татарстан командасы һәм икенче урын алган Липецк командасы Чехиядә юл хәрәкәте кагыйдәләре буенча Европа конкурсында Русияне тәкъдим итәчәк. Уңышлар һәм яңа җиңүләр сезгә!
фото

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Бәрәңге җанашым яки Бәрәңге fest Г.Тукай әдәби музеенда икенче тапкыр Бәрәңге бәйрәме үтте
    85
    0
    0
  • Көектә – уңыш бәйрәме Питрәч районы Көек авылындагы 1 нче номерлы “Алтын балык” балалар бакчасында узган “Сөмбелә” бәйрәмендә без дә катнаштык.
    182
    0
    0
  • Блогерлыкны эшкә санамыйлар Бөтенроссия иҗтимагый фикерне өйрәнү үзәге блогерлар турында сораштыру үткәргән. Аның нәтиҗәләре буенча, Россиядә яшәүчеләрнең 75 проценты балалары яки оныкларының блогер булуын теләми.
    172
    0
    0