Битлек өчен – рәхмәт хаты

Яр Чаллы шәһәрендә яшәүче 13 яшьлек Софья Несифорова Россия Президенты Владимир Путинның Рәхмәт хатына лаек булган. Ил башлыгы кызга «#МыВместе» бөтенроссия акциясендә катнашуы – волонтерларга бушлай битлек тегүе өчен рәхмәтен белдергән. «Битлекләргә кытлык булуын белгәч, өлкәннәргә азык-төлек һәм дарулар сатып алып, өйләренә илтеп бирүче волонтерларга булышырга уйладым. Алар өчен битлекләрне бушлай тегәм», – ди Софья.