Будильник зыянлы

Баланы кечкенә яшьтән үк бер үк вакытта йокларга ятарга күнектерәләр. Баланың кәефе яхшы, хәтере әйбәт булсын өчен аның йокы ритмын көйләргә кирәк. Даими йокысы туймаган бала еш авырырга мөмкин.
Гадәттә, мәктәптә укучы балалары булган ата-аналар аларны йокыдан уятыр өчен будильник кулланалар. Табиблар "уяткычтан" баш тартырга өнди, чөнки кинәт яңгыраган көчле тавыш яшь организм өчен зыянлы.
Ә будильник кулланмагач, баланы ничек уятырга соң?
Бәлки, бер минутка булса да мәшәкатьләрне онытып, ягымлы итеп назлы сүзләр белән уятыргадыр. Назлы сүз ишетеп, ярату тойган баланың кәефе көне буе яхшы булачак бит.