Чүп-чарда алтын бармы?

Лондонда узган Олимпиадада медальләр ясау өчен 9,6 кг алтын, 1210 кг көмеш, 700 кг бакыр сарыф ителгән.
Япониядә исә электрон чүп-чардан 2014 елда гына да 143 кг алтын, 1566 кг көмеш, 1112 тонна бакыр җыеп алганнар.  Бу илдә электрон чүп-чар шулкадәр күп. Шуңа күрә Токиода 2020 елда узачак Олимпиаданы оештыручылар медальләрне шундый рәвештә табылган кыйммәтле металлдан ясарга җыеналар. Металларны гадәти булмаган чыганаклардан - "шәһәр рудникларыннан", ягъни чүплекләрдән алачаклар.
Без чыгарып аткан смартфон, телефон, телевизор һәм башка электрон җайланмаларда күпме алтын-көмеш бар икәнен башыгызга да китермисездер әле!