Динә Латыйпова: “6 яшьлек оныгыбыз бабасы белән тәравих намазына йөри”

Динә белән Рафаэль Латыйповларның оныклары Хәлилгә алты яшь.

– Оныгыбыз безгә кунакка килгәндә бабасы җомга, тәравих намазларына алып бара, – ди Динә ханым. – Ә һәр гает саен кодалар авылына (Әтнә, Бәрәзә) кайталар. Гомумән, авылны бик ярата Хәлилебез. Чөнки әтисе кыр юлына җиткәч, рульгә утырта үзен. И-и, бик сөенә инде шуңа. Җырларны бик тиз отып ала. Бабасы белән икәү җырлаштыралар. Әтисе һәм бабасына ияреп хоккей уеннарын карарга йөри. “Ак Барс” оттырганда елап бетә. Чын фанат!