Динозаврлар бии белгән

16 май – Халыкара динозаврлар көне
Көнчыгыш Колорадода яткан динозавр калдыкларын өйрәнүче палеонтологлар фикеренчә, динозаврларда кошлардагы кебек хәрәкәтләнү ритуалы булган.
“Динозаврлар арасындагы кошлар биюе дигән йола барлыгы күптәнге фараз иде инде, ләкин җир катламнарында тырналып калган эзләр әлеге фаразларга беренче дәлил булып тора , — ди Мартин Локли атлы галим. — Билгеле булганча, тираннозаврлар гаиләлегеннән булган тероподларның каурыйлары, кикрикләре, үткен күзләре булган. Ләкин аларның башка яклар белән дә кошларга охшашлыгын исбатлау мөмкин түгел иде”
100 миллион еллык ком катламнарында 50ләп үзенчәлекле эзләр табылган. Әйтерсең шушы урында кошлар килеп бер-берсе белән сугышкан. Гадәти зурлыкта булмаган тамгалар кош эзләрен хәтерләтә.
Әлеге урыннарда «биегән» динозаврның төгәл исеме билгеле түгел. Бәлки, ул акбур чорында төньяк Америкада яшәгән гигант зурлыктагы Acrocanthosaurus атлы динозавр булгандыр дигән фаразлар бар.
Гыйлем
Иң мөһим һәм кызыклы язмаларны Татмедиа Telegram-каналында укыгыз
-
Коры җир ташбакасы Коры җир ташбакасы яңа урынга тиз җайлаша. Ул яшәгән өйдә 20-30 ºС җылы булырга тиеш.
-
«Балачак бәйрәме»нә чакырабыз 1 июнь – Халыкара балаларны яклау көнендә «Туган авылым» комплексында «Балачак бәйрәме» чарасы үтәчәк!
-
Түбән Камада «Дуслык күпере» 19 май – Татарстанда матбугат көне уңаеннан, Түбән Каманың 38 нче балалар китапханәсе «Дуслык күпере» дип исемләнгән бәйрәм оештырды. «Сабантуй» һәм «Салават күпере» балалар журналларыннан редакция хезмәткәрләре дә әлеге чарага чакырылган иде. Очрашу «Апуш» үзәк балалар китапханәсендә үткәрелде.