Иң яхшы 100 мәктәп

RAEX агентлыгы ел саен иң яхшы мәктәпләрне барлый. Быел да Россиянең 100 мәктәбеннән торган шундый исемлек булдырылган. Анда Татарстанның биш уку йорты кергән.

Безнекеләр арасында иң яхшысы – Казанның 131 нче лицее. Гомуми исемлектә ул 36 нчы урында. Казан мәктәпләре арасында КФУның IT лицее, КФУның Н.И.Лобачевский исемендәге лицее, 2нче санлы лицей-интернат та яхшылар рәтендә. Агентлык исемлегендә Татарстанның тагын бер мәктәбе – Әлмәтнең 2нче лицее да бар. Бу уку йортларын тәмамлаган балалар укуларын илнең иң дәрәҗәле вузларында дәвам итә.

Шунысы кызык: исемлектә 100 мәктәп булса да, аларның яртысы Мәскәү һәм Мәскәү өлкәсеннән. Икенче урында – Санкт-Петербург (9 мәктәп), өченче урында – Татарстан.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: