Кайбыч укучылары Наташа Ростова балында катнашты [фото]

Кичә Кайбычтагы "Салават күпере" комплексына район мәктәпләрендә белем алучы уку алдынгылары, спорт ярышларында, бәйге-олимпиадаларда актив катнашучы укучылар район башлыгының Чыршы бәйрәменә җыелды.
Олы Кайбыч мәктәбе укучылары бу көнне зарыгып көтте. Әнә, кызлары чын принцессалар диярсең! Егетләре дә 18 нче гасыр бөркетләредәй җитдиләнеп, матураеп калган. Алар Лев Толстойның "Война и мир" әсәрендәге бал күренешен сәхнәләштерде.