Кайчан кыш килер?

Көзнең соңгы ае башланды. Барыбыз да зарыгып, ап-ак кышны көтәбез. Кышның беренче көне кышкы көнгә охшармы? Кыш җылы килерме, әллә инде артык салкын булырмы?
Әлеге сорауларга җавапларны сынамышлардан эзләп карыйк.
Кар беренче октябрьгәчә күренсә, чана юлы тиз булмас.
Көзге көн бәс тотса, аязлыкка галәмәт.
Көзнең ахырларында түгәрәк-түгәрәк вак кына боз яуса, кыш суык булыр.
Беренче ноябрь яңгыр өстенә кар яуса, җәй салкын килер.
Ноябрь тугызында бәс булса - суыкка, томан булса - җылыга.
Ноябрь кар өрә - галәмгә ашлык китерә.
Фото сезоны-года.рф сайтыннан.