Казан кунакханәләре һәм рестораннары кунакларга Бөтендөнья туризм көне уңаеннан ташламалар ясаячак

26-28 сентябрьдә Казанның кайбер кунакханә һәм рестораннары үз кунакларына ташлама ясаячак. Бу – Бөтендөнья туризм көне белән бәйле.
Исегезгә төшерәбез, Бөтендөнья туризм көне – 1979 елда Бөтендөнья туризм оешмасының Генераль ассамблеясы тарафыннан булдырылган халыкара бәйрәм. Бәйрәмнең максаты – туризмны пропагандалау, дөньякүләм ширкәтләрнең икътисадына керткән өлешен яктырту, төрле ил халыклары арасындагы элемтәне үстерү.
Ташламаның күләме бина администрациясе тарафыннан билгеләнә һәм 10- 20% тәшкил итәчәк, дип хәбәр итә Казанның Туризм үсешенә булышлык күрсәтү комитеты.
Мәгълүмат old.kzn.ru сайтыннан
Фото ukrtourism.com