Харламов – Бүре, Хрусталев – Куян

“Ну, погоди”ның яңа серияләре экраннарга чыгарга әзерләнә. Шушы көннәрдә “Союзмультфильм” журналистларга яңа Куянны күрсәтте. Ул заманча киенгән. Өстендә – зәңгәрсу поло һәм кыскартылган чалбар. Ә менә күзләренең төсе шул ук калган. Яңа Куян “акыллы сәгать” тагып йөриячәк һәм Дмитрий Хрусталев тавышы белән сөйләшәчәк. Бүрене исә Гарик Харламов тавышландырачак. Сериалда яңа персонажлар – Тим исемле борсык, Шу атлы керпе һәм Уля исемле куян барлыкка киләчәк.