Күбрәк укыйсы килә
Казан шәһәренең «Галәм» 18 нче татар гимназиясендә бер тапкыр кунак булсаң, китәсең дә килмәс. Гимназиябез матур, чиста, җылы, якты. Шул яктылыкны, җылылыкны саклап торучы, тагын да нурлырак итүче урын – китапханәбез. Ә менә китапханәчебез турында аерым сөйлисе килә.
Зөлфия апа Хисамиева гимназиядә әле 3 кенә ел эшләсә дә, бу өлкәдә инде 26 ел хезмәт куя. Китапханәдә кызыклы шәхесләр белән очрашулар, төрле дәресләр үткәрелә. Һәр юбиляр язучы яки шагыйрьгә багышланган стендларны Зөлфия апа, датага карап, яңартып тора. Яңа китаплар кайтса, газета-журналлар килсә, күргәзмә әзерли, безне алар белән таныштыра.
Халыкара мәктәп китапханәләре көнендә гимназиябездә «Китапка икенче тормыш бүләк ит» акциясе оештырыла. Китапханәчебез китап белән ничек сак эш итәргә кирәклеген исебезгә төшерә. Бу көннәрдә язучылар, шагыйрьләр белән очрашулар оештырыла. Галимҗан Гыйльманов, Йолдыз Шәрапова, Ленар Шәех, Рифат Сәлах белән күрешүләр – иң истә калганнары.
Китапханә дәресләре дә күңелле үтә бездә. Төрле кызыклы биремнәр үтәп, викториналарда катнашабыз. Зөлфия апабызга рәхмәт, мондый дәресләрдән соң безнең тагын да күбрәк укыйсы килә башлый.
Регина Зиннурова, Казан шәһәренең «Галәм» 18 нче татар гимназиясе укучысы
Следите за самым важным и интересным в Telegram-каналеТатмедиа
-
Җәйге каникуллар вакытында куркынычсызлык кагыйдәләре
Кадерле балалар, хөрмәтле әти-әниләр! Алда - иң көтелгән һәм яраткан җәйге каникуллар. Әмма каникулларда да куркынычсызлык турында кайгыртырга кирәк. Менә аларның берничәсе:
-
Каравон
Бу – рус халкының милли бәйрәме. Иң кызыгы шул: әлеге бәйрәмне Татарстанда гына үткәрәләр. Ул ел саен Лаеш районының Никольское авылында уза.
-
1 июнь – Халыкара балаларны яклау көне
Һәр елны җәйнең беренче көнендә бик матур бәйрәм уза. Ул – балаларны яклау көне. Бу бәйрәм үзе белән җылылыкны гына түгел, ә көтеп алынган озын каникулларны да алып килә. Халыкара балаларны яклау көне күп илләрдә билгеләп үтелә. Ә беренче тапкыр ул 1950 елда бәйрәм ителә башлый. Әлеге бәйрәм безгә, өлкәннәргә, һәр баланың яклауга, кайгыртуга мохтаҗ икәнен искәртеп тора Балаларыбыз бәхетле булсын!
Нет комментариев