Куян кыйммәт, аю арзанрак

Балалар Чыршы бәйрәменә әзерләнә. Быел куян һәм Кар бабай булып киенергә теләүчеләр аеруча күп икән. Әти-әниләрне бу костюмнарга бәянең шактый артуы да куркытмаган. Балаларын бәйрәмгә шулай киендерергә җыенучылар – иң күбе. Чыршы һәм гном костюмнары популярлыкта бераз калыша. Аю, кар бөртеге, пират булып киенергә теләүчеләр быел кимегән. Аның каравы, балалары бу костюмнарны сайлаган әти-әниләрнең акчалары янга калачак. Аю булып киенү куян костюмын алуга караганда очсызгарак төшәчәк.