"Кызлы йорт"ның сере ачылды

Күптән түгел генә "Кызлы йорт"ның "Туганнарым" исемле клиплары дөнья күрде. Әлеге клипта 5 бертуган кызга гомер биргән, аларны тәрбияләп үстергән, көчле рухлы, түзем Зөлфия ханым тормышы тасвирлана.
-Әни биш баласын җитәкләп, әтидән китә дә, Арча районы Шушмабаш авылында яшәүче әтисе Мансур бабайга кайта. Ничек кенә булса да, әни безне әтигә карата яхшы мөгалләмәдә булыгыз дип үстерде, - ди "Кызлы йорт" ның олысы Рәфинә Ганиуллина.
Клипны Казанда төшергәннәр. Зөлфия ханымның яшь чагын К.Тинчурин театры артисты, җырчы Зөлфия Вәлиева осталык белән башкарып чыга.  Клипта шулай ук 5  туганның әти-әнисен  дә күреп була. Клипның режиcсеры — Замирә Рәҗәпова.