Әлмәттә “Союзмультфильм” мәктәбе ачылды

Әлмәт шәһәрендә “Союзмультфильм” студиясенең анимация мәктәбе эшли башлады. Монда укучылар 2D- һәм 3D-анимация ясарга өйрәнәчәк. Моның өчен мәктәптә компьютер класслары, мокап, фото һәм тавыш яздыру студияләре, комикслар зонасы бар. Бинада кечкенә китапханә һәм кинозал да урнашкан. Биредә белем алып чыккан укучыларны киләчәктә эшкә урнаштыру мөмкинлеге дә бар. Шундый заманча мәктәп төзүне “Татнефть” компаниясе финанслаган.