Планшетың, телефоның сүнгәнме?

Йокы бүлмәләрендәге смартфон, планшетлар (сүндерелгән булсалар да) балаларның йокысын боза.
Бөек Британия галимнәре 11 тикшеренү эшендә 125 мең баланы тикшергән.
Бала йокларга ятар алдыннан йокы бүлмәсендә булган смартфон, планшет кебек гаджетлар аның йокысын боза, ә икенче көнне баланың көндез дә йокысы килә икән. Әлеге заманча җиһазлар сүндерелгән булсалар да, барыбер йокыны бозулары ачыкланган. Хәзерге тормыш ритмы безне һәрвакыт online булырга мәҗбүр итә. Ә бу нерв системасын киеренке халәттә тота, ди белгечләр.
Йокының туймавы сәламәтлек өчен зыянлы икәнен барыбыз да белә.
Мәгълүмат rg.ru сайтыннан, фото sunmag.me сайтыннан