«Поел и доволен»: мәктәп ашханәсенә ничәле куясың?

Казан укучыларының мәктәптәге туклануларына аерым игътибар бирелә. Балаларның ашавын контрольдә тотарга хәзер мобиль кушымта булышачак.

Google Play һәм App Store платформаларында «Поел и доволен» дигән мобиль кушымтаны һәркем бушлай йөкли ала. Аның ярдәмендә ата-аналар һәм укучылар мәктәп ашханәсенә, аерым ризыкларга «Ревизорро» форматында билге куя алачак.
Әлегә кушымтаны дүрт мәктәпнең укучылары куллана ала. Әгәр ул уңышлы, дип табылса, аны башка мәктәпләргә дә кертәчәкләр.
Бу төр контроль кире элемтә булдыруда мөһим инстирумент да булырга мөмкин. Мәктәп туклануының дәрәҗәсен дә арттырырга булышачак, дип саныйлар.