Радикка “Гөлназның чәчләре ошый”, ә Гөлназга - “Радикның иҗаты һәм киенүе” /ВИДЕО/

Кичә Башкортстанның Уфа шәһәрендә бик матур бәйрәм чарасы булды. “Туган тел" каналы Башкортстандагы татар-башкорт эстрада җырчыларын бергә җыеп, ябык кичә уздырды. Әлеге бәйрәмгә 100дән артык артист җыелган. Барысы да кызыл келәмнән узган. Араларында Татарстан халкына танышлары да бар: Айдар Галимов, Әнвәр Нургалиев, Радик Юльякшин, Гөлназ Асаева, Илшат Вәлиев һ.б.

Ә менә үзләренең мөнәсәбәтләре белән күпләрдә кызыксыну уяткан Радик белән Гөлназ кызыл келәмнән дә бергә узган, бер өстәл артында да утырган.
Алып баручыларның: “Сез егет белән кызымы, әллә дуслар гынамы?” дигән соравына икесе дә елмаеп кына җавап биргән. Радик “Гөлназның чәчләре ошый”, ә Гөлназ исә, “Радикның иҗатын, киенүен яратам”, дигән. Ничек кенә булса да - парлылар биюен дә бергә биегәннәр Радик белән Гөлназ!
[embed]https://www.instagram.com/p/BWGVkPVAEME/[/embed]