Рияз – җиңүче!

“Сабантуй” журналының август санында бик күп кызыклы биремнәр бар иде. Аларга дөрес җавап бирүчеләребез бүләкле дә булыр, дип вәгъдә иттек. Беренче җиңүчебезне игълан итәбез: Zooдөнья сәхифәсендәге сорауга Рияз Садретдинов исемле укучыбыз дөрес җавап биргән! Чыннан да, зоопаркка килүчеләр артык тавышланмаска, читлекләр эченә кермәскә, хайваннарга кул белән кагылмаска һәм аларны ашатмаска тиеш. Зоопарк хезмәткәрләре соңгы кагыйдәне бигрәк тә мөһим дип саный. Хайваннарга ризык бирү аларны хәтта үлемгә китерергә мөмкин. Зоопаркка барганда Рияз санаган кагыйдәләрне исегездә тотыгыз һәм төгәл үтәгез! Ә Риязны җиңүе белән котлыйбыз!