“Син ярышта чакта якыннарыңның ни кичерүен аңладыңмы инде, Салават?” /ФОТО, ВИДЕО/

Җырчы Салават Фәтхетдиновның инстаграмы соңгы вакытта улы Рөстәмнең автоярышлары белән тулды. Һәрбер уңышы белән уртаклашып бара әти кеше.


– Кичә улым Түбән Новгород шәһәрендә узган автоузыш ярышының өченче этабында катнашты. Үзе генә ярышканда өченче, команда белән беренче урынны алдылар. Бу атнада Татарстан чемпионатының 2 этабы узачак. Барысын да 25 июнь көнне КаzanRing автодромына, ярышка чакырып калам, – дигән ул.
[embed]https://www.instagram.com/p/BVQPYmwAIdz/[/embed]
Салават Фәтхетдинов куйган фото һәм видео астына кызыклы комментарийлар да калдыралар.
Мисал өчен Рәзилә исемле ханым болай дип язып куйган:
“Кем уйлаган Салават эскәмиядә автоярыш карап утырыр дип! Ул бит гел үзе катнаша торган иде. Рөстәм сине кабатлый! Син ярышта чакта якыннарыңның ниләр кичерүен аңладыңмы инде, якташ?! Попутного ветра, Фәтхетдиновлар!”
[embed]https://www.instagram.com/p/BVQPDBYAblT/[/embed]