«Сәләткә нур булган йолдызлар»

Татарстан Республикасы Яшьләр эшләре министрлыгы, «Сәләт» иҗтимагый фонды һәм «Сәләт» Клубы Флүс Латыйфи исемендәге «Сәләткә нур булган йолдызлар» IX ачык әдәби конкурсының сайлап алу турын игълан итте. 2011 нче елдан бирле үткәрелүче әлеге конкурста берничә мең мәктәп укучысы һәм студент катнашып өлгерде инде. Бәйгедә үзен сынаган һәм казыйлар шурасы тарафыннан бәяләнгән, лаеклы урын алган егет-кызларның күбесе – өметле яшь язучылар.

Конкурс яшь авторларның иҗади сәләтен, мөмкинлекләрен үстерү максатыннан уздырыла. Быел да анда 11 яшьтән алып 22 яшькә кадәр мәктәп балалары һәм студентлар катнаша ала. Бәйге  5 номинациядә (шигърият, чәчмә әсәр, балалар әдәбияты, драматургия, публицистика) үткәреләчәк.

Конкурсның шартлары белән Сәләт оешмасының рәсми сайтында танышырга мөмкин: www.selet.biz.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Тышлыкта – уен! "Сабантуй"да шәп яңалык: журналның март саны тышлыгында өстәл уены дөнья күрә!
    99
    0
    0