Сыер сөте үстерә, кәҗә сөте...

Сыер сөте эчкән балалар, башка төр сөт кулланучыларга караганда, тизрәк үсәләр һәм буйга озынрак булалар икән. Моны Канада табиблары исбатлаган. Алар 2 яшьтән 6 яшькә кадәрге 5034 баланы өйрәнгән. Шуларның 13%ы көн саен сыер сөте, 13%ы башка төр сөт, 5%ы ике төр сөтне дә эчкән.

Сыер сөте эчкән балалар башкаларга караганда, 0,4 смга озынрак булган. Табиблар фикеренчә, моның сәбәбе – сыер сөтенең аксымга бай булуы. Мәсәлән, ике чынаяк сөттә 16 г аксым бар. Бу өч яшьлек баланың аксымга булган көнлек ихтыяҗының 100%ы дигән сүз. Ә ике чынаяк бадәм сөтендә 4 г аксым исәпләнә. Бу көнлек норманың 25%ы гына.

Сыер һәм кәҗә сөтеннән кала түбәндәге сөт төрләре бар:

Көнҗет

Кокос

Дөге

Бадәм (миндаль)

Соя (кытай борчагы)

Кедр