“Татарлар” тапшыруын алып баручы Эльвира Хөснетдинова кабат әни булды! Котлыйбыз!

“ТНВ” каналында “Татарлар” тапшыруын алып баручы Эльвира Хөснетдинова икенче тапкыр әни булды.

– 5 апрель көнне 11 сәгать 51 минутта икенче улыбыз дөньяга килде. Аллаһка мең рәхмәт, Сәетебез абый булды. Бик көтте инде энесен. Сабыебызның авырлыгы – 3310 грамм, озынлыгы – 51 см. Ильяс дип исем куштык. Үзем дә тернәкләнеп киләм әкренләп.
Икенче йөклелек чоры белән тулысынча ләззәтләнеп калырга тырыштым. Беренчесе белән вакытны бик ашыктырган идем, бу юлы алай булмады. Бөтен тәмен тоеп йөрдем. Рәхәтләнеп ашап та калыйм дидем. Аннан диетага утырырга кирәк булачак бит. Алла боерса, киләсе атна башында өйгә чыгарырга тиешләр. Сәетне бик сагынам. Моңарчы бер генә төнгә дә калдырганым юк иде үзен. Телефоннан видеоларын карыйм.



Зилә Җәләлиева