Татарстан флагындагы төсләр ни аңлата?

Татарстан Республикасының Дәүләт флагы яшел, ак һәм кызыл төстәге аркылы буйлардан торган турыпочмаклы тукымадан гыйбарәт.
Ак буй флаг киңлегенең 1/15 өлешен тәшкил итә һәм тигез киңлектәге яшел һәм кызыл төстәге буйлар уртасында урнашкан. Яшел буй - өстә. Флагның киңлеге озынлыгына карата 1:2 нисбәтендә.
Татарстан Республикасы флагындагы төсләр түбәндәгеләрне белдерә:
яшел - яз яшеллеге, ислам төсе, яңарыш;
ак - чисталык, сафлык билгесе;
кызыл - өлгерү, энергияне, көчне, тормышны аңлата.