Теле көрәк, сүзе кибәк

Алтышар сәгать буе бертуктамый телефоннан сөйләшә ала торган тел бистәләре дә бар икән. Россиядәге телефон компанияләренең берсе үз абонентлары арасында иң күп сөйләшүчеләрне билгеләгән. Мәскәү өлкәсеннән Татьяна иң аралашучан кеше булып чыккан.
Ул ел дәвамында телефоннан 136664 минут (2277 сәгать) сөйләшкән. Елдагы көннәр санына бүлеп карасаң, бу тәүлегенә алтышар сәгать килеп чыга.
СМС язу буенча рекордларны Мәскәүдән Александр куйган. Ул ел дәвамында барлыгы 34269 - көненә 100 гә якын СМС-мәгълүмат җибәргән. Белгечләр исәпләвенчә, әлеге хатларны тупласаң, кимендә мең битле китап чыгарып булыр  иде.