Туганнар күп булсын!

Абыйның хатыны миңа кем була? Килен егетнең әнисен ничек дип атарга тиеш? «Сабантуй» журналының ноябрь санын укысагыз, туганлык төшенчәләре турында барысын да белерсез! Бу сан бертуган Сәфәровлар белән таныштыра, танылган туганнарны барлый, кызыклы биремнәр чишәргә чакыра.

Журналның «Китап киштәсе» сәхифәсендә хәбәрчебез Галия фантастика жанрында язылган китаплар тәкъдим итә. Ә Сәидә белән бергә «кринж» сүзенең мәгънәсенә төшенә алырсыз. Зәйнәп «Сабантуй» печеньесы» пешерергә өйрәтер. Әмир кешеләр кулга ияләштергән беренче йорт хайваны – этләр турында сөйләр.

«Сабантуй»ның ноябрь санында кызлар өчен берничә сәхифә бар. Хәбәрчеләребез оекбашлар буяу, сәйләннән йөзек ясау, матур һәм дөрес бизәнү серләрен чишә. Малайлар да бу санда үзләренә кызыклы язмалар тапмый калмас. «Ярыш мәйданы»нда каратэ турында укып, «Шәвәлидән сора» сәхифәсендә Алисәнең туганнарын эзләп, сканворд чишеп, вакытларын кызыклы һәм файдалы үткәрер.

«Сабантуй»дагы язмаларны укып кына түгел, карап һәм тыңлап та була! QR-кодларны карагыз, башваткычларны чишегез, мемнарны укып, рәхәтләнеп көлегез!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • 100 еллык юбилейга – 100 хәбәрче Иҗатчы балалар күбрәк булсын дип, «Сабантуй» журналы редакциясе гыйнвар аеннан журналистика белән кызыксынучы язылучылары өчен онлайн-мәктәп ача.
    101
    0
    0
  • Бүләк Шәлегә барып җитте! “Минем мәктәп” бәйгесенә нәтиҗәләр ясалды. Җиңүче – Сафин Фәйзрахман Әхмәтҗан улы исемендәге Шәле урта гомүми белем бирү мәктәбенең 4 "Б" сыйныфы укучысы Аяз Газимов.
    211
    0
    2