Яңа уку елын – яңача!

Яңа уку елын «Сабантуй» журналы яңарып башлый: яңа, заманча дизайн, яңа сәхифәләр, яңа авторлар. Сентябрь саны тулысынча хәбәрче балалар тарафыннан әзерләнгән. Алар һәркайсы үз кызыксынулары турында сөйли. Барлык язмаларны уртак тема – музыка берләштерә.

Фәнсөяр бик күп белә. Яшьтәшләренә музыка уен коралларын танырга өйрәтүче уен-биремнәр тәкъдим итә. Шәвәли – кызыксынучан. Бу юлы ул көй язарга өйрәнә. Шул арада музыка турында бик күп кызыклы фактлар белән танышырга да өлгерә. Ә Галия укырга ярата. «Китап киштәсе» сәхифәсендә үзенә иң ошаган китаплар турында сөйли. Сәидә исә һәркемне татарча сөйләшергә өйрәтмәкче. Заманча сүзләрнең татарчага тәрҗемәсен эзли. Зәйнәп – оста пешекче. Журналның сентябрь санында ул коймак пешерү серләрен аңлата. Фәридә сөйләннән төрле әйберләр ясарга оста. Аның белән бергә «Хагги-вагги»лы йөзек ясарга өйрәнеп була. Әмир исә йорт хайваннары турында сәгатьләр буе сөйли ала. Бу юлы ул җырларга яратучы җан ияләре – тавыклар белән таныштыра.

«Сабантуй» журналының 9 нчы санында Леонид Якубовичның үзен шаккатырган, татар, рус, инглиз, хәтта корея телләрендә җырлаучы кыз – Әминә Әмирова белән танышырга, бик күп уеннар уйнарга, сканворд чишәргә, бадминтон турында күбрәк белергә, Рифә Рахманның «Бизнесмен» дип аталучы өр-яңа хикәясен укырга, 3D рәсем ясарга, балалар иҗат иткән мемнар укып, рәхәтләнеп көләргә, бәйгеләрдә катнашырга, кыскасы, вакытны искиткеч файдалы уздырырга була.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Тылсымлы әкият Көз җитү белән  безнең гимназиядә “Тылсымлы әкият” дип исемләнгән кул эшләре күргәзмәсе эшли башлады.
    137
    0
    2
  • Изи, чокер, тай-дай, мем... Фәнни ачышларны профессор, академиклар гына ясый дип уйласагыз, ялгышасыз. Балалар да алардан калышмый!
    184
    0
    0