Яшь геологлар олимпиадага җыелды

Әлмәттә Яшь геологларның VIII республика ачык кыр олимпиадасы уза. Аның ачылышында Татарстан Президенты Рөстәм Миңнеханов та катнашты. «Татарстанда нефть сәнәгате үсеш алган. Бу тармакта иң мөһиме – кешеләр, үз эшенең белгечләре. Геологларны мәктәп эскәмиясеннән әзерләргә кирәк. Бүген сез башкара торган эш – илебезнең нефть тармагы киләчәге», – диде республика җитәкчесе.

«Татнефть» җәмгыяте генераль директоры Наил Маһанов геологларның нефть чыгару тармагында иң кирәкле белгечләр булуын әйтте. Аның сүзләренә караганда, киләсе елда Әлмәттә Яшь геологларның бөтенроссия ачык кыр олимпиадасы узачак.

Быел олимпиадада катнашу өчен Әлмәткә Татарстан районнары, Кырым, Пермь крае, Беларусь, Казахстан һәм Үзбәкстаннан 36 команда килгән. Яшь геологлар 12 төрле сынау узачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Тылсымлы әкият Көз җитү белән  безнең гимназиядә “Тылсымлы әкият” дип исемләнгән кул эшләре күргәзмәсе эшли башлады.
    142
    0
    2
  • Изи, чокер, тай-дай, мем... Фәнни ачышларны профессор, академиклар гына ясый дип уйласагыз, ялгышасыз. Балалар да алардан калышмый!
    189
    0
    0