Җырчы Алинә Сафиуллина ни өчен кәҗә сөтен мактый?

Җырчы Алинә Сафиуллина интернетта кәҗә сөтенең файдасы турында язган.

– Яз көне авитаминоз башлана бит, – ди җырчы кыз. – Кәҗә сөте белән бытбылдык йомыркасы нәкъ шушы витаминнар җыелмасы инде. Улым Нариман тугач, аллергия дигән нәрсә белән очраштык. Сыерның сөте дә, ите дә ярамады. Ә туклыклы булсын өчен ботканы сөттә пешерергә кирәк. Ярдәмгә Талия апаның кәҗә сөте килде. Аның сөтен мин дә, Нариман да бик яраттык. Бөтен кәҗәнең дә сөте бер төсле түгел, кайсын авызга да алып булмый бит...