“Зарница” балалар фәнни-күңел ачу үзәгендә ТР Дәүләт Советының күчмә утырышы үткәрелде

13 сентябрьдә “Казан-Арена” стадионындагы “Зарница” балалар фәнни-күңел ачу үзәгендә ТР Дәүләт Советының фән, мәгариф, мәдәният һәм милли мәсьәләләр буенча Комитетының күчмә утырышы оештырылды.
“Зарница” балалар фәнни-күңел ачу үзәге – ул 5 яшьтән алып 14 яшьлек балалар арасында акыл, аң үстерә торган хезмәтләр тәкъдим итү өлкәсендәге эшчәнлекне гамәлгә ашыра торган комплекс. Проект авторлары билгеләп үткәнчә, мондый форматтагы әлеге проект Россиядә бердән-бер.
3 мең кв. метр мәйдандагы үзәктә балалар технопаркы урнашкан. Ул үзе “Космодром”, “Фән шәһәре”, “Куркынычсыз шәһәр”, “Сәнгать”, “Талантлар академиясе”, “Осталар шәһәре”, “Ватанны саклаучы” дигән аерым җиде тематик мәйданчыкка бүленгән. Станцияләрдә балалар тәҗрибәле остазлар белән бергә уен формасында төрле төрдәге һөнәр нигезләре белән танышалар, кирәкле белемнәр туплыйлар. Биредә алар үзләрен төзүче, инженер, машина йөртүче, биотехнолог, галим, капитан, очучы итеп сыный алалар.
 
 
 
Мәгълүмат magarif-uku.ru сайтыннан
Фото http://c-zarnitza.ru сайтыннан