III тур җиңүчеләре

Тиздән журнал укучыларыбыз арасында иң зирәк һәм тапкыр сыйныфны билгеләп булачак. ЗТКда аерым-аерым түгел, ә сыйныфлары белән катнашучы малайлар-кызлар арта. Бу юлы да андыйлар шактый.

Җиңүчеләрне игълан иткәнче, дөрес җавапларга тукталыйк. Беренче биремгә дөрес җавапны фотода күрәсез. Икенче биремгә – 9341, ә өченчесенә – «95138724» дип җавап бирергә кирәк иде.

Бөтен сорауларга да дөрес җавап бирүчеләр күп түгел. Алтышар балл җыйган укучылар – Мамадыш районы Яңа Комазан авылыннан Диләрә, Искәндәр, Әминә Зиннуровлар; Азнакай районы Җиңү бистәсе мәктәбенең “Кызыклы грамматика” түгәрәге әгъзалары; Арча районы Субаш-Аты банлангыч мәктәбе; Бураково урта мәктәбенең Көек авылындагы филиалы укычысы Рияз Садретдинов. Саба районы Мичән төп мәктәбенең 3 сыйныф укучысы Язгөл Яруллина – 5 балл, Башкортстанның Кушнаренко районы Калтай авылыннан Зифа Нуриева 4,5 балл җыйды. Ә менә Саба районы Югары Симет урта мәктәбе укучысы Нәфисә Имамиева һәм  Кукмара районы Березняк мәктәбенең 3 нче сыйныф укучылары өчәр балл белән калды.

Алдагы турларда барыгызга да уңышлар телим!