Гаилә турында мәкаль-әйтемнәр

Ана җылысы - кояш җылысы.

Ата һөнәре - балага мирас.

Тату туганнар таштан койма корганнар.

Мәхәббәтсез гаилә – тамырсыз агач.

Ата-ана гаебен тикшерү бала эше түгел.

Ата-ана йөрәгенең тирәнлеген балалар белми.

Ата-ананы тыңлаган — адәм булган, тыңламаган — әрәм булган.

Ата-анасына игелек күрсәтмәгән,
Олыгайгач үзе дә игелек күрмәс.

Ата-ана гайрәтле булса, бала гыйбрәтле була.

Ата-ана догасы утка-суга батырмас.

Ата йөрәге — таудан өлкән,
Ана йөрәге — диңгездән тирән.

Ата өчен улы җан бирсә, улга дан.

Атасы барның бәхете бар.

Атасын алдаган илен дә алдар.

Бу дөньяда өч нәрсә эзләп табылмас: бере ата, бере ана, бере карендәш.

Улы барның кулы бар.

Ата баласы үз хатасын үзе юар.