Ак шоколад ашасаң...

22 сентябрь – ак шоколад көне

Бүген шоколадның әллә никадәр төре бар. Алар арасында иң “яше” – ак шоколад. Аны уйлап табуга бер гасыр да булмаган әле. Гадәти шоколадның яше исә мең ел дип исәпләнә.

Ак шоколадның файдасы һәм зыяны турында күп бәхәсләр йөри. Аның һичшиксез файдалы ягы – селенга бай булуы. Бу элемент кан тамырларын ныгыта, йөрәк эшчәнлеген яхшырта. Ак шоколад составындагы К витамины исә бөерләргә файдалы.

Ак шоколадны косметологиядә дә киң кулланалар. Аннан ясалган маскалар картаюдан бик шәп кремнарга караганда да яхшырак саклый икән.

Ә инде зыянына килгәндә, шоколадның бу төрендә синтетик катнашмалар бар. Шуңа да аны күп кулланырга ярамый.