Бүген күренекле татар шагыйре Сәгыйть Рәмиевнең тууына 146 ел.

Уку

Сөекле сеңелләрем Гафифә илә Вәсимәгә

 
Безне адәм иткән уку,
Адәмне алга илткән уку,
Илтеп күккә җиткән уку,
Уку, уку, уку.
 
 
Юлымызны хак иткән уку,
Йөземезне ак иткән уку,
Үземезне баг иткән уку,
Уку, уку, уку.
 
 
Раст, чын кеше эше уку,
Баг вә рәхәт җимеше уку,
Ачкан рәхәт ишеген уку,
Уку, уку, уку.
 
 
Гакылга нур биргән уку,
Мөкатдәс уй биргән уку,
Су юкта су биргән уку,
Уку, уку, уку.
 
 
Дәүләт, бәхет биргән уку,
Мөлек, тәхет биргән уку,
Безгә кирәк илла уку,
Уку, уку, уку.
 
 
Урысча да уку, уку,
Кытайча да уку, уку,
Кемчә генә дә уку, уку,
Уку, уку, уку.
 
 
Ирләргә дә фарыз уку,
Кызларга да фарыз уку,
Фарыз эшнең барсы уку,
Уку, уку, уку.

 Авыл

Әй, авыл, син мең шәһәрдән
Мең кабат ямьле вә хуш:
Бер кеше юк бер урамда....
Нинди тын һәм нинди буш!

Нинди иркен, нинди рәхәт,
Нинди бар җир гөл генә:
Синдә тән дә, юк тәнең дә,
Бер болытлы көн генә.

Ул кара бер күгеңә бу
Фирүзә бит бик зуры,
Күр аеңны, кайда бар бу,
Бер гаҗәеп, бит нуры!

Нинди нурлар сачрәтеп ул
Уйный, нәкъ нурда йөзә,
Нәкъ көлә – нәкъ елмая, нәкъ
Юри бәгъреңне өзә.

Нинди тамчы, тамчы нурлар
Сачрәгән күк йөзенә,
Чеп-чуар чын бриллиант
Сипкәнмени, күр, үзенә.

Һәм гаҗип бер яктылыкта
Җир көмеш төсле тора:
Анда урман һәм дә таулар,
Монда кырлар яктыра.

Синдә бар да чын матур һәм
Чын матур синдә генә,
Тагы да артыр бер матурлык
Китдисәм мин дә менә.