«Иң-иң» мультиклар

9 ноябрь – Бөтендөнья Гиннесның рекордлар китабы көне
Кешеләр генә түгел, мультфильмнар да Гиннесның рекордлар китабына керә ала. Шуларны бергәләп барлыйк әле!
Иң озын мультфильм
Бу исемне «Симпсоны» комедиясе алган. Ул 706 сериядән тора. Әлеге мультфильм Гиннесның рекордлар китабында иң «йолдызлы» фильм буларак та телгә алына. Геройларны тавышландыру өчен 810 «йолдыз» актёр чакыртылган.
Иң кыйммәтле мультфильм
«Рапунцель» мультфильмын экранга чыгару 260 миллион долларга төшкән. Аны 6 ел дәвамында эшләгәннәр. Төп геройның чәчләрен ясау өчен махсус программа да язганнар хәтта!
Иң күп акча җыйган мультфильм
«Салкын йөрәк» («Холодное сердце») фильмы дөнья буенча 1,2 миллиард доллар акча җыйган!
YouTube та иң күп каралган мультфильм
Гиннесның рекордлар китабында Россиядә җитештерелгән мультфильм да бар. «Маша һәм аю»ның 17 нче сериясе «YouTube та иң күп каралган мультфильм» булып танылган. Аны 4 миллиардтан артык тапкыр караганнар.
Иң пластилинлы мультфильм
Бу исемне «Уоллес һәм Громит» фильмы алган. Аны ясау өчен 3 мең килограмм пластилин сарыф ителгән.
Мультфильмнар турында күбрәк беләсең килсә, "Сабантуй" журналының 2021 ел, 11 нче санын укы.
Иң мөһим һәм кызыклы язмаларны Татмедиа Telegram-каналында укыгыз
-
Чаллыда кунакта Чаллы шәһәренең Мулланур Вахитов исемендәге 2 нче гимназиясенең уңышларын күзәтеп, андагы сәләтле укучылар белән танышырга күптән хыялланып йөри идек. Менә җай чыкты.
-
Әнкәм теле – туган телем «Балачак әдипләре» проекты кысаларында Йолдыз апа Шәрапова укучыларга бирем әзерләгән иде. Бик күп хатлар алдык. Кайбер эшләрне сезгә дә тәкъдим итәбез.
-
Күзгә яшьләр килде... Зур шатлыгым бар! Без, "Мирас" үрнәк балалар бию ансамбле, Санкт-Петербургта узган «Азимут» халыкара бәйгесендә җиңү яуладык!