Чыңлады соңгы кыңгырау

Чыңлады соңгы кыңгырау,

Онлайн гына булса да.

Күңелне төшермик әле,

Бәйрәм өйдә узса да.

Без быел дүртне төгәлләп,

Бишенчегә күчәбез.

Башлангычны тәмамладык,

Ни дисәң дә, үсәбез!

Дүрт ел буе мөгаллимә,

Укытты мактап, сөеп.

Аз гына авырып китсәк,

Йөрде ул янып-көеп.

Өйрәтте ул, белем бирде,

Аямады үз-үзен.

Кирәк чакта безнең өчен,

Яклап әйтте үз сүзен.

Рәхмәт сиңа, укытучым,

Бар якшылыгың өчен!

Бирдең бит син безнең өчен

Кызганмый бөтен көчең!

Азалия Минибаева,

Бөгелмә районының Татар Димскәе мәктәбе укучысы