Кышны көттек без

Балтач районы Бөрбаш урта мәктәбенең 7 нче сыйныф укучылары иҗаты

Кышкы матурлык.

Кышны көттек без,

Сагындык карны.

Табигать бизи

Бөтен дөньяны.

Ап-ак кар менә

Нәкъ мамык кебек,

Шыгырдый баскач,

Көй чыгамыни?!

Күк йөзе аяз,

Елмая кояш.

Агачлар матур,

Ак туннан тоташ.

Буранлы көндә

Могҗиза бигрәк –

Кар бөртекләре

Тылсым кебегрәк.

Шаярып-уйнап,

Безгә куналар.

Чәчәкләр сыман

Матур шул алар!

Әдел Мурадымов

Яңа ел теләкләре

Урамда кыш. Нинди рәхәт бүген!

Ап-ак тунын кигән агачлар.

Күрегезче, нинди матур бу көн!

Җиргә төшкән икән ап-ак кар!

Басу кырлар ап-ак булган,

Болыннар да карга күмелгән.

Чишмә буйлары да бүген

Матур булып шәлгә төренгән.

Нинди матур бүген, нинди рәхәт!

Урамнарны кат-кат урадым.

"Я Аллаһым, мондый рәхәтлектән

Аермачы", – диеп сорадым.

Ап-ак карлар сыман дөньяларга

Тынычлыклар инде килсеннәр.

Туар көннәребез тыныч булып,

Исән-имин яшик, кардәшләр.

Наил Шәймәрданов