Күзгә яшьләр килде...

Зур шатлыгым бар! Без, "Мирас" үрнәк балалар бию ансамбле, Санкт-Петербургта узган «Азимут» халыкара бәйгесендә җиңү яуладык! Өч көн дәвамында бик күпләр белән көч сынашып, Гран-прига ия булдык. Бу җиңүне бик көттек. Урын яуламасак, укытучыбыз Дәүләт Исмагилович күзенә күренергә дә оялырбыз, дидек. Гран-при алганны белгәч, шау-гөр килдек. Шатлыктан күзләребез яшьләнде, бер-беребезне кочаклап тәбрикләдек. Җитәкчебезгә, укытучыларыбызга, әти-әниләребезгә зур рәхмәт! Мондый җиңүләребез күп булыр әле.

Хәнифә Халикова,

Лаеш районы Усад авылының "Сәламәт буын” күп профильле лицее укучысы