Тукай һәм мин

                               

Укытучым Тукай абыйның “Исемдә калганнар” әсәрен укырга бирде. Эчтәлеген тулысынча аңлап бетерә алмадым кебек, уйга калдым, әти-әнием белән дә сөйләштем.

Әтием: “Әйбәтләп аңлар өчен үзеңнең балачагыңны аныкы белән чагыштырып кара,” – диде.

Чагыштырып карадым...

Ул ятим үскән, әллә ничә гаиләдә яшәгән. Тик кайда гына яшәсә дә, матурлыкны да күргән, халкын да яраткан. Чирләренә бирешмичә, матур әсәрләр язган...

Ә мин?

Әти-әнием янында яшим, әби-бабаларым да исән, абыем белән апам да бик ярата мине. Матур, якты мәктәптә укыйм. Тукай абый каурый белән язган шигырьләрен. Ә мин компьютер белән эшли беләм...

Мин бит татар кызы, ә Тукай абый – татар улы. Аның турында күбрәк өйрәнермен, “Исемдә калганнар”ын да аңлармын.

Үзем турында, бәхетле балачагым турында язармын. Кадерле кешеләремне дә онытмам.

Таңсылу Хәйбиева,

Актаныш районы, Татар Суыксуы урта гомуми белем бирү мәктәбенең 3 нче сыйныф укучысы

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Мөгаллимнәр белән күрештек Яшел Үзән шәһәренең 5 нче гимназиясендә милли мәсьәләләр буенча директор урынбасарлары,  татар теле һәм әдәбияты укытучылары, методик берләшмә җитәкчеләре катнашында узган методик семинарда «Салават күпере» һәм «Сабантуй» журналлары баш мөхәррире Зилә Фәйзуллина катнашты.
    57
    0
    0
  • Чаллыда кунакта Чаллы шәһәренең Мулланур Вахитов исемендәге 2 нче гимназиясенең уңышларын күзәтеп, андагы сәләтле укучылар белән танышырга күптән хыялланып йөри идек. Менә җай чыкты.
    320
    0
    1