Яңа ел килә

Яр Чаллы шәһәренең 41 нче мәктәбе укучылары иҗаты

Яңа ел килә

Куян елы аяк баса,

Безгә ни алып килә?

Ел буе әгәр тырышсаң,

Шатлык һәм бәхет бирә.

Куян елы безгә килә,

Тиздән Яңа ел җитә!

Һәркем бәхет өмет итә,

Нәниләр бүләк көтә.

Яңа ел тыныч килсен,

Һәр өйгә шатлык керсен!

Яхшы хәбәрләр иңсен,

Шатлыктан күзләр көлсен!

Алинә Рафикова, 8 нче сыйныф укучысы, “Ак каурый”  әдәби  түгәрәге әгъзасы

Кышны яратам

Бүген буран әй дулады,

Акка күмде бар дөньяны.

Көчкә өйгә кайтып җиттем,

Һай чеметте бит-кулларны!

Яратам мин кыш айларын,

Ябалактай кар яуганын.

Кояш нурларында биеп,

Җем-җем кар ялтыраганын.

Уеннары да күңелле,

Бәйрәмчәдер  һәрбер көне.

Бураныннан һич курыкмыйм,

Киям җылы киемемне!

Камил Мулләхмәтов, 5 нче сыйныф укучысы, “Ак каурый”  әдәби  түгәрәге әгъзасы