Мохито

Кирәк булачак:

1. Бөтнек

2. 3 лайм яки лимон

3. 150 г камыш шикәре яки гади шикәр комы

4. Боз кисәкләре

5. Су

1. Лаймны 4 өлешкә бүл һәм зур савытка суын сык. Аннары кабыгын да шунда сал.

2. Бөтнек яфракларын кул белән бүлгәләп, савытка ташла.

3. Шунда шикәр комы һәм, савытны яртылаш тутырып, су сал. Барысын да әйбәтләп болгат.

4. Боз кисәкләре өстәгәннән соң, савытны тутырып су сал. Тагын бер кат болгатып ал.

5. Аннары мохитоны стаканнарга салып, җәйнең яңа бер тәмен тап!