Туңдырмалы белен

Кирәк булачак: 

1,5 стакан кефир,

2 йомырка,

2 чәй кашыгы шикәр комы,

0,5 чәй кашыгы тоз, 

бер чеметем сода,

он.

Эчлек өчен:

алма,

дарчин (корица),

туңдырма. 

Әзерләү тәртибе:

Барлык ингредиентларны кушып, куе камыр әзерлибез. Аннан соң ярты стакан чамасы кайнар су салып, тиз-тиз болгатып, камырны сыегайтабыз. Майлы кайнар табада беленнәрне ике яклап кыздырабыз. Алманы шакмаклап турап, дарчин сибәбез. Эчлекне беленгә салып төрәбез. Өстенә туңдырма салсаң, тагын да тәмлерәк була!