УКУЧЫ БАЛАЛАР
*һәрбер бала, бигрәк тә үз мәктәбегезнең укучы балалары белән матур яшәгез, аларны туганнарыгыз кебек күрегез, алар белән йомшак сөйләшегез. Бер-берегез белән очрашкан вакытта йөзегездә куану билгеләре чагылсын. Шатлык һәм кайгыларын уртаклашыгыз.
*Яман холыклы балалардан ерак булыгыз, чөнки яман холык йогышлы була.
*Аталарыгызның байлыгы, һөнәрләре һәм киемнәрегез белән башка укучылар алдында мактанмагыз, үзегезне күрсәтмәгез, бәлки һәрвакыт түбәнчелек күрсәтегез.
* Күңелне каралтучы, әдәпсез хикәяләр сөйләмәгез, кычкырышмагыз, сүз көрәштермәгез, иптәшләрегезнең хәтерләре калырлык ишарәләрдән, бигрәк тә аларга кул күтәрүдән сакланыгыз.
*Файдасыз эшләр белән шөгыльләнеп дәресләрегездән мәхрүм калмагыз.
*Иптәшләрегездә булган нәрсәләргә кызыкмагыз, алардан шул нәрсәләрне сорамагыз. Бөеклек алуда түгел – бирүдәдер.
*Мәктәпне бетергәч тә бергә укыган иптәшләрегезне онытмагыз, аларның хакларында кимчелек итмәгез, иң зур дәрәҗәгә ирешсәгез дә бергә укыган иптәшләрегезнең иң түбән дәрәҗәлесе алдында да үзегезне зурга куймагыз.
Ризаэддин Фәхреддин Габдрахман Кая әсәрләренә нигезләнеп язылган «Балаларга үгет-нәсыйхәт» китабыннан алынды.
Следите за самым важным и интересным в Telegram-каналеТатмедиа
-
Каһарманнарыбыз турында сөйлибез. Үлемсез полк.
Мин, Галимҗанов Самат, Сезгә әтием ягыннан булган карт бабам Галимов Шәкертҗан Галим улы турында сөйлисем килә.
-
«Преспектива» күппрофильле 186 лицейда укучылар белән күрештек.
«Сабантуй» журналының 100 еллыгы уңаеннан мәктәп-гимназияләрдә очрашулар дәвам итә. Казан шәһәре Идел буе районында урнашкан «Преспектива» күппрофильле 186 лицейның 3 нче сыйныф укучылары редакция хезмәткәрләрен «Сабантуй»лы дәрескә кунак итеп чакырдылар.
-
Яз булгач
Нәкый Исәнбәт шигыре
Нет комментариев