Өйдә ясалган нутелла

Бала-чага баллы яратучан була инде. Нутелла турында ишетмәгән-белмәгән замана баласы юктыр! Бәясе дә "ничава", күбрәк ала башласаң кесәгә сугарлык.
Шуңа уңган хуҗабикәләргә шәп рецепт тәкъдим итәбез: өйдәгеләрегезне җиңел дә, тәмле дә тәм-том белән сыйлагыз әле. Кибет ризыгының натураль булмавына шикләнүчеләр өчен бигрәк тә яхшы. Моңа нәрсә салганыгызны белеп пешерәсез.

Ингредиентлар:
Йомырка - 2 шт
Шикәр комы - 3 стакан
Какао - 2 аш кашыгы
Он - 4 аш кашыгы
Ванилин - 1 чеметем
Фундук - 1 стакан
Атланмай - 1 бал калагы
Сөт - 2 стакан
Әзерләү:
Йомырканы шикәр комы белән әйбәтләп болгатырга кирәк. Шуңа он, какао, уылган чикләвекләр, атланмай һәм ванилин кушабыз. Тагын сөт өстибез, болгатабыз. Катнашманы сүлпән утка куеп куерганчы кайнатасы.
Әзер! Тәмле булсын!