7 яшькә кадәр бушлай

Быелның 22 нче июненнән 7 яше тулмаган балалар шәһәр яны поездларында бушлай йөри башлады. Әлегә кадәр электричкаларда 5 яше тулмаган балаларга гына билет кирәкми иде. Яңа кагыйдә бөтен Россия буенча гамәлгә керде. Кечкенә бала белән электричкага утырырга җыенган әти-әниләрнең кулында сабыйның яшен раслаучы документ булырга тиеш. Кирәк дип тапса, контролер аны сорап алырга хокуклы. Бала 7 яше тулган көнне электричкага утырса, бу көнне дә бушлай сәфәр кыла ала.